Мидхъуыддœгты министр Лœууойты Æхсар дзуапп радта мидхъуыддœгты министрады информации œмœ œхсœнадимœ бастдзинады хайады кусджыты фарстатœн. Министр сœйрагдœр банысан кодта Республикœ Хуссар Ирыстоны œмœ Уœрœсейы Федерацийы œхсœн нœ мидхъуыддœгты органты материалон-техникон ифтонгад, œхцайы œввонгад œмœ социалон гарантиты къœпхœнгай фœфылдœр кœныны хœрдзтœ œмифтонг кœныны тыххœй Бадзырды нысаны ахсджиагдзинад.
«Ацы Бадзырды нысан у нœ республикœйы мидхъуыддœгты органты материалон-техникон ифтонгад œмœ кусджыты куыстмызд этапгай фœфылдœр кœнын. 2017 азœй 2021 азмœ нœ кусджыты куыстмызд хъуамœ сœмхуызœн уа Цœгат Кавказы мидхъуыддœгты органты кусджыты куыстмыздимœ. Ацы Бадзырд œрмœст куыстмызды тыххœй нœу, фœлœ материалон œмœ техникон фœрœзты тыххœй дœр. Уырдœм хауынц уœлœдарœс, автотранспорт, сœрмагонд техникœ œмœ œндœртœ. Иу ныхасœй милиционерœн йе рвылбонон куысты цыдœриддœр хъœуы, уыдон. Бадзырдыл цœуы куыст œмœ нывœстмœ гœсгœ бафыст хъуамœ œрцœуа ацы аз, кœннœд та 2017 азы райдийан. Бадзырдмœ гœсгœ мидхъуыддœгты министрады œмкусджыты куыстмызд 2017 азœй уал фœфылдœр уыдзœн 20% »- загъта милицийы инœлар-майор Лœууойты Æхсар.
