Уагъд œрцыдис œмбырд

14 марты Милицийы сœрмагонд къорды агъуысты уагъд œрцыдис œмбырд. Хайад дзы райстой Президент Бибылты Анатолий, Мидхъуыддœгты министр Наниты Игорь, йœ хœдивджытœ, министрады службœтœ œмœ дœлхœйтты хистœртœ, Милицийы сœрмагонд нысаниуœджы къорды œмœ Милицийы цырд фердœхты къорды кусджытœ. Президент œрдзырдта, œрœджы Милицийы цырд фердœхты къорды кусджыты ´рдыгœй цы фœткхалœн цау œрцыдис, ууыл.

«Ахœм цаутœн не´хсœнады бынат ма хъуамœ уа, уымœн œмœ милицийы кусджытœй адœм œвœрынц ныфс. Закъоны сœрты чи ахызтис, уыдон та œфхœрд хъуамœ ´рцœуой», - карзœй банысан кодта Бибылты Анатолий.

Президент ма бахœс кодта Наниты Игорœн, цœмœй милицийы патрулон автотранспорт œмœ ´мкусджытœ ифтонг œрцœуой видеокамератœй.

Дœлхœйтты хистœртœн бахœсгонд œрцыдис, цœмœй фылдœр хъусдард œмœ куыст цœуа сœ дœлбар цы кусджытœ ис, уыдонимœ, цœмœй закъон œмœ куысты фœтк ма халой.