Ног ахуыры азы œрбалœуды фœдыл инœлар-майор Наниты Игорь раарфœ кодта ахуырдзаутœн, ныййарджытœн œмœ ахуыргœнджытœн. Мидхъуыддœгты министр йœ раныхасы банысан кодта абон кœй у стыр бœрœгбон, уымœн œмœ нœ чысыл ахуырдзаутœ аразынц фыццаг къахдзœфтœ ахуыры къœпхœнтœм, сœ царды фœндагыл.
«Арфœ кœнын ныййарджытœн, кœцытœ бацœттœ кодтой ахœм рœсугъд хъœбултœ œмœ сœ œрбакодтой скъоламœ, цœмœй сœ ахуыры фœндаг рœсугдœй дарддœр кœной. Бузныг ахуыргœнджытœн, кœцытœ бирœ œзты дœргъы сœ зонындзинœдтœ нœ хœлœг кодтой œмœ сœ нœ хœлœг кœндзысты, цœмœй нœ чысыл ахуырдзаутœ бœрзонд œмвœзадыл зонындзинœдтœ райсой œмœ Ирыстонœн уой рœсугъд, аккаг фœлтœр. Сомбон уыдон хъуамœ уой чи президент, чи министр, чи тыхон структурœты кусœг.
Мидхъуыддœгты министр ма республикœйы сœргълœууœджы номœй фœхœцца кодта арфœйы ныхœстœ бœрœгбоны хайадисджытœм.
«Президент ныфс бавœрдта ацы скъолайы дыккаг уœладзыг цалцœг кœй œрцœудзœн», - йœ ныхасы банысан кодта Наниты Игорь.
Скъола хœссы ирыстоны хъайтар Санахъоты Гришикы ном. Уый фœдыл Наниты Игорь загъта скъоладзаутœ кœй хъуамœ уой сœрыстыр œмœ œвдисой се гъдау бœрзонд œмвœзадыл.
Мидхъуыддœгты министр ма скъолайœн бакодта лœвœрттœ.
